Біздің емханаға балалар суицидінің алдын алу жөніндегі психологиялық орталықтың жұмысымен танысу үшін БҰҰ – ЮНИСЕФ Балалар қорының өкілдері келді.
Алғаш рет республикалық деңгейде ашылған бұл орталық ЮНИСЕФ халықаралық ұйымының қызығушылығын тудырды. Сапар аясында Алмалы ауданының прокуроры, психикалық денсаулық орталығының директорының қатысуымен дөңгелек үстел ұйымдастырылды.
Кездесу барысында біздің емхананың директоры Айзат Балтагуловна орталықтың мақсаты мен негізгі бағыттары туралы баяндайтын презентация ұсынды.
Тұсаукесерде орталық жұмысының негізгі бағыттарының бірі - балалар мен жасөспірімдер арасында суицидтің алдын алу мәселелеріне ерекше назар аударылды. Статистика, психологиялық қолдау әдістері және қауіп тобындағы балалармен сәтті жұмыс істеу мысалдары ұсынылды.