2025 жылдың 24 қазанында Қазақстан Республикасының күніне арналған іс-шараларды іске асыру аясында ГП №3 мекемесінде Ашық есік күні сәтті өткізілді.
Іс-шара барысында тіркелген тұрғындар үшін келесі қызметтер ұйымдастырылып, жүргізілді:
ересектер мен балаларға профилактикалық тексерулер;
терапевт, педиатр және тар бейінді мамандардың консультациялары;
артериялық қысымды, қант және холестерин деңгейін өлшеу;
салауатты өмір салтын қалыптастыру бойынша түсіндіру жұмыстары (жеке және топтық форматта).
Тұрғындар іс-шараға белсенді қатысып, көпшілігі денсаулық жағдайын бақылау және созылмалы аурулардың алдын алу мақсатында жүгінді. Келушілер үшін ыңғайлы жағдай жасалып, қабылдау жедел түрде жүргізілді, ақпараттар түсінікті және тәжірибеге бағытталған түрде ұсынылды.